تحدث الفنان حسن فؤاد عن رأيه في اختفاء مطربي جيله مثل الفنان الراحل علاء عبد الخالق، والفنان حسام حسني، وابراهيم عبد القادر قائلا:’ هما جت عليهم فترة كانوا لامعين جدا، ولكن زي ما تقولي حضرتك الفنان أحيانا بتيجي عليه وقت كده يعني وبيتواري شوية لا اكتر ولا اقل”.
اقرا ايضا ..حسن فؤاد يتحدث عن كواليس عمله مع الموسيقار عمار الشريعي
وتابع :” كانوا نجوم كبار ابراهيم عبد القادر ليه حاجات حلوة كتير وهو حبيبي وصاحبي، وعلاء الله يرحمه حبيبي، ووقت وجودهم مكنوش مظلومين خالص لأنهم حققوا حاجات حلوة مع حميد الشاعري”.
وكشف حسن فؤاد خلال تصريحاته مع الإعلامية انجي هشام في برنامج” المنسي” عبر قناة هي عن مطربه المفضل من الجيل الحالي من بين تامر عاشور ورامي صبري ورامي جمال قائلا:’ تامر عاشور جميل واختياراته بتعجبني.
وكشف عن الملحن الذي يريد التعاون معه الفترة المقبلة من بين الملحن محمد يحيي وعمرو مصطفى وعزيز الشافعي قائلا:’ هما التلاتة بيقدموا مزيكا جميلة وعمرو جميل بس احيانا بيقول كلام على طول معرفش قاله ولا لا بس دايما بيقول أنا أنا ، يعني هو قال أنا أول واحد دخلت الجيتار طب مسمعتش أغنية انسى الدنيا ريح بالك للاستاذ عبد الوهاب من ٧٠ سنة ؟ كان فيه جيتار ، هو ساعات بتطلع منه تصريحات بس كده لكن ملحن جميل واغانيه ناجحة لكن عايزة بهدي شوية .
