علقت الفنانة ومقدمة البرامج سارة نخلة على تصدر اسما شريف منير للتريند بعد حلاقتها لشعرها بماكينة حلاقة وذلك عبر برنامجها فيس أوف والذي تقدمه خلال شاشة قناة هي.
اقرا ايضا ..أسما شريف منير: بعض المتابعين وصلوا لمرحلة أنهم يسخنوا والدي عليَ
قالت سارة نخلة: “اللي ظهر في فيديو حلاقة الشعر ان اسما تعاني من قلق واضطراب ومفيش توازن، ولما قريت عنها هي كانت ايه لقيت انها كانت ماكييرة وبعدها اتجوزت واتطلقت وبعدها اتجوزت من ممثل شاب واتطلقت تاني ودا شئ يحترم لانها بتحاول”.
وتابعت على رد الفنان شريف منير على مهاجمين ابنته قائلة: “مستغربة هو مفيش بينهم واتساب؟ او مبيتقابلوش مثلا، ليه الدعم النفسي على السوشيال ميديا، واحنا لازم نبقى متفقين ان اسما فعلا تعاني من نقص في الدعم النفسي ودي شغلانة الدكتور النفسي ودا مش عيب”.
وأضافت: “لو كانت اسما راحت المهرجان بقصة شعرها عادي دا بيحصل في أرقى مهرجانات العالم كتغيير ونيو لوك لكن قبلها تعملي الفيديو دا عشان المشاهدة واللايكات وباباكي يطلع يقول خدتي التريند ومترديش كان الأولى تعملوا قعدة بين حضرتك واسما وتدعمها بينك وبينها عشان اكيد في حاجة ناقصة خلت اسما تعمل دا وهي ام لبنوته وانا اللي بزعل عليه في النهاية هما الأطفال”.
