تسنيم عزت بسطاوي طبيبة بيطرية ٢٣ سنة ال١٩ علي دفعتها والبنت الوحيده لباباها ومامتها ، ضحية سباق عربيات بين شباب متهور في شارع ال٩٠ الجنوبي التجمع الخامس.
اللي خبطها اتقبض عليه ،بس بكل سهولة خرج بكفالة ٢٠٠٠ جنيه !!
هل ال ٢٠٠٠ جنيه هما تمن اللي عمله ،وتمن استهتاره وإنه مش عامل حساب لأرواح الناس ؟!
تسنيم كانت راجعة من شغلها في عيادة في التجمع واتعرضت لحادثة عربية يوم ١٣ فبراير.
الحادثة كانت شديدة اوي وسرعة العربية الجنونية اتسببت لتسنيم في كسور شديدة بالحوض والجمجمة والفخذ والكاحل والترقوة وكدمة بالرئه ونزيف علي جذع المخ وده من شدة الارتجاج وتلف الأعصاب اللي حصلها .
تسنيم فضلت 22 يوم فاقدة الوعي!! في غيبوبة ومفيش أي استجابة ،وتوفيت من كام يوم.
ده كله بسبب واحد مستهتر عديم المسئولية عنده ١٨ سنة اسمه (عبدالله أحمد عصام الدين ) كان بيتسابق بالعربية هو وصاحبه.
بيتسابقوا وواخدينها لعبة وهما مش حاطين في بالهم إنهم ممكن يسببوا أذى لحد غيرهم وإن الشارع ماشي فيه بني آدمين غيرهم !!
المصيبة الأكبر إنه محاولش يتصرف وينقلها مستشفى ،ولولا إن واحدة ماشية في الشارع هي اللي شافتها ونقلتها المستشفى قبل كا تتوفي ومحدش يعرف مصير تسنيم كان هيبقى ايه !
اللي خبطها اتقبض عليه ،بس بكل سهولة خرج بكفالة ٢٠٠٠ جنيه !!
هل ال ٢٠٠٠ جنيه هما تمن اللي عمله ،وتمن استهتاره وإنه مش عامل حساب لأرواح الناس ؟
اللي خبطها لازم يتحاسب ،أي حد مننا كان ممكن يكون مكان تسنيم أو حد من ولاده لا قدر الله مكانها.
والموقف ممكن يتكرر مع أي حد ويتعاد تاني طول ما في ناس متهورة معندهاش مسئولية ومش عاملة حساب إن في أرواح غيرهم عايشين معاهم وطول ماهما عارفين إنهم مش هيتحاسبوا وأخرها هيدفعوا فلوس ويخرجوا منها!
شير كتير في كل مكان وفعلوا الهاشتاج يمكن نقدر نساعدها إن حقها يرجع تسنيم عمرها ما اتأخرت عن حد في حاجة وكانت بتساعد الكل.
ودعواتكم ليها ربنا يشفيها ويعافيها وينجيها وتقوم بالسلامة ويطمن قلوبنا عليها.
