رسائل الحب فى عصر يا ملقح جوه قلبي !
بقلم سمير أبو الحمد
فى عصر مولانا الحاكم بأمره الدولار و قالب قوانين الحياه . النت . وبعد إختفاء الرسائل البريديه الورقيه الرومانسيه التى كان يبث من خلالها العشاق لهيب أشواقهم منذ عرف الانسان القديم فن الكتابه على الوسائل البدائيه كأوراق البردى وجلود الحيوانات وصولا للحمام الزاجل رسول الحب والسلام راح يكتب عشاق عصر( دلعنى على الرصيف يا مطنش يا سخيف ) فى رسائلهم من خلال الهواتف المحموله الخاليه من الاحساس عبارات قمه فى الهيافه والسخافه تشبه إلى حد بعيد عبارات أم علان الدلاله حين تردح لام فلتكان فى سوق الثلاثاء . ومن تلك الرسائل المستفزه التى صارت عنوانا واضحا لعصرنا فاقد الهويه . كتبت إحدى العاشقات المتيمات تقول لحبيبها : يـا مـلـقـح جـوه قـلـبـى وأنـا قـلـبـى مـش مـتـيـن .. مـن حـبـك جـالـى سـكـر إديـنـى أنـسـولـيـن . فأرسل لها بجلالة قدره يقول كأنه يحارب جيوش التتار . ارسل رصاصات حبى ودبابات إعجابى وصواريخ إخلاصى المرسل معجب إرهابى . فأرسلت له تقول : وينك يا إرهابى يامفجر أعصابى مطلوب القبض عليك لانك أعز أحبابى . ومن رسائل عصر ( يامقطعلى هدومى حبك زود همومى ) رساله من متيمه تقول لعاشقها ببساطه : أنا بالمستشفى لاتخف جت بسيطه أزمه بالقلب من زحمة أشواقى لك ممكن ثمن العلاج أصلى مفلسه . فحن عليها برساله تقطررمانسيه قائلا : بعتلك هديه مردتيش عليا. إيه البخل ده يابنت الحراميه . وتلك رساله جاءت على شكل تقريرطبى تقول حروفها : إلتهاب حاد فى الشريحه . نتيجه لارتفاع التطنيش . العلاج . رنه كل 3 ساعات . رساله صباحا ومساءا . مكالمه عند اللزوم فجاء رد المحب الولهان . ممكن أجى لاهلك عشان أطلب . إيد المقشه أحسن اللى عندنا إتكسرت . فردت عليه . كوز المحبه إتخرم وطرطش على كمى . حبيبى كفايه جفا وإرحم عذاب امى . فأرسل العاشق يقول : يا رمينى بلقمه ناشفه والعيش عندك طرى . حبك عاملى أزمه ما تحن يامفترى .
.. ومن شدة الاهمال كتبت واحده من بنات العصرالأغبر تقول للبيه الذى ٌتجن به : عاملنى زى المضاد الحيوى كل 8 ساعات رنلى أو زى الفيتامين كل يوم كلمنى بلاش أكون زى البنادول عند اللزوم تفتكرنى . فكتب البيه المطنشاتى يقول لها ساخرا : لولا الهوا ياحياتى لولا الهوا ياحبى لولا الهوا ياعمرى ماكانش نشف الغسيل . فردت الهانم العاشقه برساله أشد منها سخريه أشوفك أدوخ أقرب منك أتسطل ألمس إيديك أفقد الوعى إرحمنى بقى وإستحمى . فأراد أن يصالحها برساله طريفه فكتب : بأجمل حروف وبصوت ملهوف وأنا مكسوف والنبى حتة لحمه أحسن سمعت إن عندكم خروف فكان ردها على الفور. لوقلبك حس بيه ودموعك نزلت على خدك إتصل بيه عشان ببيع مناديل ورق ..
.. تلك كانت بعض العينات من رسائل عصر ( اللاحب واللارومانسيه ) حفلت بالسخريه من ( الحب ) أسمى المشاعر على وجه الارض . وعبارات العنف والقسوه ومفردات السوقه وتاهت فى الزحام كلمات وعبارات راقيه من عينة هات عينيك تسرح فى دنيتهم عينيه. هات إيديك ترتاح فى لمستهم ايديه.. أواللى شفته قبل ماتشوفك عينيه . عمر ضايع يحسبوه إزاى عليه . إنت عمرى اللى إبتدا بنورك صباحه . فهل هاجر الحب من أيامنا بلا عوده أم اننا الذين لم نعد نتقن فن الحب ؟ تساؤلات تبحث عن إجابه عندكم أحبتى وأصدقائى فى كل مكان من العالم وما أظرف وأغرب الرسائل التى وصلتكم مع أو ضد المشاعر ؟
